Azərbaycan Sahibkar Qadınlar İctimai birliyinin sədri Zenfira Ağayeva və Birliyin idarə heyətinin bir neçə üzvü Astara rayonunda Şəhidləri ziyarət etdilər.

Sonra qəhrəmanlığı dillərə dastan olan, haqqında saysız kitablar yazılan Şəhid Pəncəli Teymurovun ailəsi ilə görüşdülər. Birliyin sədri Zenfira Ağayevə, Milli Dəyərlər üzrə Maarifləndirmə İctimai Birliyinin sədi Gülşən Behbud Pəncəli Teymurovun xatirəsinə yaradılan ev muzeyi ilə tanış oldular və xatirə kitabına ürək sözlərini yazdılar.
Vətəni qibləgah edən Şəhidlərimizdən Pəncəli Teymurov bir çox xarici ölkələrdə təlimlər keçmişdi. Türkiyənin Xüsisi Təyinatlılar Komandanlığının “Yurdda sülh, cahanda sülh” adlı medalına layiq görülmüşdü. Xüsusi əməliyyatları uğurla başa vurduğundan, 2015-ci ildə Azərbaycan prezidenti İlham Əliyevin sərəncamı ilə “İgidliyə görə” medalı ilə təltif olundu. Ölümündən sonra isə yenə Azərbaycan prezidentinin sərəncamı ilə “Vətən uğrunda” medalı ilə təltif olunub. Şəhidin atası yeni rəhmətə gedib. Anası deyir ki, ən böyük istəyimiz Pəncəılinin adının əbədiləşdirilməsidir. Bu təşəbbüsü irəli sürən uzun illərdir Antalyada fəaliyyət göstərən, əslən Astara rayonundan olan vətənpərvər iş adamı Elman Əzizova təşəkkür edirik.