​Bu gün Vətən müharibəsi Şəhidi Miqdad Abduləlimovun şəhadətinin ikinci ildönümüdür.

Miqdad haqqında iki ildir danışırıq, yazırıq, amma heç bitmir sözümüz, söhbətimiz.
Düşmənin üzərinə neçə mərd, cəsur, qorxmaz, qəhrəmancasına, şücaətlə, və gülərək gedirdisə ölümün üzünə bax beləcə təbəssümlə getdi şəhid qardaşımız. Onun gülər simasına baxarkən o gədər ifadə oxumaq olurki... Azərbaycan xalqının əyilən qəddini düzəldən üç minə yaxın oğulların biri idi Miqdad, tarix yazan, tarixdə imzası olan, heç bir vaxt üəhrəmanlıq səlnamələrindən silinməyən bir imzanın, bir adın sahibi oldu qardaşımız.
 Miqdadın şəklinə baxarkən düşünürəm ki o sağdır, bizimlədir, görür eşidir, və sanki izləyir ki bizlər onu və onun şəhadət zirvəsindəki qardaşlarını necə anır, necə xatırlayırıq.
 Çox qəribədir Azərbaycan Şəhidləri  haqüında yazarkən belə insanın gəlbini Vətənpərvərlik hissi, vətən eşqi, vətən sevgisi  alovlandırır. Elə hal hazırda Miqdad üçün bu misraları bax o hiss altında qələmə alıram. Miqdadı tanımayan yoxdur artıq deyə düşünürəm, amma yenə də istəyirəm onun qısa, şərəfli, qəhrəmanlıqlarla dolu həyat yoluna nəzər salaq.
Abduləlimov Miqdad Faiq oğlu 23 mart 2002-ci ildə Quba rayonunda dünyaya göz açıb. Orta məktəbi bitirdikdən sonra 2019-cu ildə Baki dövlət iqtisad kollecinə qebul olmuşdu.4 aprel 2020-ci ildə hərbi xidmətə çagiriş gəlmiş və təhsilini donduraraq 4 may 2020-ci ildə hərbi xidmətə yollanmışdır. 
Azərbaycan Ordusunun əsgəri olan Miqdad Abduləlimov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Tərtərin azadlığı uğrunda gedən döyüşlərdə vuruşmuşdur. 28 sentyabr 2020-ci ildə Tərtər istiqamətində gedən döyüşlərdə döyüş tapşırığının yerinə yetirilməsi zamanı həlak olmuşdur.
Mübarək nəşi şəhadətindən 33 gün sonra 29 oktyabr 2020-ci ildə QUBA ŞƏHİDLƏR XİYABANİNDA DƏFN EDİLMİŞDİR.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Miqdad Abduləlimov ölümündən sonra "Vətən uğrunda" medalı ilə təltif edildi.
Azərbaycanın Laçın rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Miqdad Abduləlimov ölümündən sonra "Laçının azad olunmasına görə" medalı ilə təltif edildi.
Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 05.11.2021-ci il tarixli Sərəncamına əsasən Miqdad Abduləlimov ölümündən sonra "Suqovuşanın azad olunmasına görə" medalı ilə təltif edildi.
Miqdad Faiq müəllimlə Tünzalə ananın evində ocağında göz açmışdı.
Elə Miqdadın belə vətənpərvər, qorxmaz, mərd, qeyrətli böyüməsinin əsl səbəbkarları da onlar idi, onların ailədə aşıladığı tərbiyə idi.
Bu ailəni çoxdan tanıyıram və böyük hörmət sahibi olmusan şəxslərinə. Amma Miqdadın, məhz şəhid Miqdadın ata-anası  kimi isə onlar mənim üçün və düsünürəm ki elə hər kəs üçün daha uca bir statusa sahibləniblər.
Bu ailə əsl Azərbaycan ailəsidir, bu ailənin özəyində tərbiyə, mərdlik, halallıq kimi mənəvi dəyərlər yer almışdır. Bax elə o milli-mental dəyərlərin qorunduğu, halallığın hökm edən bir ocağın övlafları kimi Miqdad və onun gözəl ürəkli bacıları bu gün hamımızın əzizinə, qardaş bacısına çevrildilər.
Faiq müəllim çox gözəl insan, yaxşı ata, dəyərli Azərbaycan vətəndaşıdır.
Xanımı Tunzale Abdulelimova  isə  mərd və örnək bir  Azərbaycan xanımıdır. 
Tünzalə xanım "Vətən Naminə" Şəhid Ailələrinə Dəstək İctimai Birliyininin sədridir.
Bu isdə onun səsinə ilk səs verən insanlardan biri və birincisi Milli Məclisin Millət Vəkili, Mədəniyyət Komitəsinin sədri, humanist və insani dəyərləri ilə hər zaman şəhid ailəlırinə dəstəy olan Qənirə xanım Paşayeva oldu. Bundan başga Qafqaz Media, ictimai birliyinin sədri Azadə xanım, Şakir bəy də hər zaman bu ailənin yanında olanlar  sırasında olublar. 
Tünzalə xanım bu birliyə sədrlik etdiyi gündən Faiq müəllimlə çiyin-çiyinə sanki şəhid ailələrinin, şəhid analarinin, şəhid övladlarınln himayədarına çevrildi. Gördüyü isləri hec vaxt üzə çıxarmayan, görüntüdən  uzag bir formada vicdanla fəaliyyətdı olan Tünzalə xanım cox ailəlırə yardımlar etdi. Qurban Bayramında  qurbanlar kəsdirərək  az təminatlı ailələrə dəstək oldu. Qazilərimizin sosial problemlərinin həllində yardımçı oldu.
Tünzalə xanım ilk layihəsini də Şəhid övladlarına həsr etdi.
İkinci yayihə isə şəhid ailələrinin hüquqlarının  gorunmasına xidmət edirdi.
Şəhid Miqdad qardaşımızın mərd anası Tünzalə xanım haqqında bəlkə də saatlarla danışmag, bu insanın daxilində illərdir gizlədiyi əsl  Tünzalə haddında günlərlə danışmag olar. Allah sizə yar olsun Tünzalə ana.
Siz o qədər güclü bir qadın, mükəmməl bir anasınlz ki, bir Miqdada olan sevginizi  bu gün minlərlə Azırbaycan ordusunda səngərdə silaha sarılan  əsgər balalarınıza bölə bilirsiniz. Allah sizi qorusun.
Düşünürəm ki, mükəmməl qələbəmizin əldə olunmasının kökündə belə milli-mental dəyərləri özündə cəmləyən Azərbaycan ailələri oldu.
Miqdad da belə insani dəyərlər əhatəsində böyüyən bir oğul idi. Fəxr edirik qardaşım səninlə. Sən heç vaxt unudulmayacaqsan Miqdad!
Ruhun şad, məkanın cənnətdir inşəallah!

Nəhayət Şirinova
ADPU Quba filialının əməkdaşı.
Azərbaycan Jurnalistlər Birliyinin üzvü.






ÖNDERTV.ORG