ONDERTV.ORG

Türkiyənin enerji və təbii sərvətlər naziri Alparslan Bayraktar və Azərbaycanın iqtisadiyyat naziri Mikayıl Cabbarov arasında görüş keçirilib.
bu barədə Alparslan Bayraktar rəsmi "X" hesabında paylaşım edib.
"Bu gün nazirliyimizdə Azərbaycanın iqtisadiyyat naziri Mikayıl Cabbarovu və onu müşayiət edən nümayəndə heyətini qəbul etdik. Azərbaycanla enerji sahəsində əməkdaşlığımızı intensiv şəkildə davam etdiririk.
Görüşdə əsas müzakirə mövzularından biri təbii qaz və enerji sahəsindəki tərəfdaşlığımızın dəyərləndirilməsi oldu. Bununla yanaşı, qarşılıqlı əlaqələrin daha da genişləndirilməsi və yeni layihələr üzrə məsləhətləşmələr apardıq", - deyə Bayraktar bildirib.