“Etirazımızda haqlıyıq, tələblərimizdən dönməyəcəyik”

ÖNDERTV.ORG

Tonqalın istisinə toplaşmış gənclərdən ikisinin söhbəti diqqətimi çəkdi. Bir həftədən çoxdur ki, Şuşa–Xankəndi yolunda davam edən dinc aksiyaya qoşulan bu iki gənc futbol üzrə Dünya çempionatında Argentina – Fransa final qarşılaşmasını müzakirə edirdilər.
– Kim udacaq?
– Bilmirəm, necə deyərlər, mey­dança düz, top da yumru. Ona görə də dəqiq deyə bilmərəm.
– Yaxşı, bəs kimin uduzmasını istəyirsən?
– Qoy, güclü qalib gəlsin. Udu­zan isə cığallıq etməsin.
Bu sözlər lap II Qarabağ sava­şında uduzan, amma cığal törələrin­dən qalmayan erməniləri yada salır.
 Adətən, idman siyasətə qarış­mır. Amma Fransanın Qarabağ məsələsində bizə qarşı qeyri-ob­yektiv mövqe tutması azərbaycan­lı azarkeşlərə də təsirsiz ötüşmür. Nə etmək olar, siyasət həyatımızın bütün sahələrinə sirayət edir. Bu və ya digər ölkənin davranışı istər-istəməz futbola da təsir göstərir. İdman bütün insanları birləşdirir. Onun gücü də bundadır. Elə həmin gecə böyük ekran qarşısında fut­bolu izləyən etirazçıları və Rusiya sülhməramlılarını azarkeşlik his­si yaxınlaşdırmışdı. Belə deyək, “barrikada”da üz-üzə dayanan dinc etirazçılarla rusiyalı hərbçilər futbolun yaratdığı birlik atmosferi­nin xoş təəssüratını yaşayırdılar.
– Siz, deyəsən, futbolu çox sevirsiniz?, – tonqalın başında sakitcə, emosiyasız ekrana baxan gəncdən soruşuram.
– Deməzdim ki, sevmirəm, milli komandalarımız oynayanda həvəslə baxıram, – cavab verir.
Haradan gəldiyini soruşuram. “Karabakh is Azerbaijan” qeyri-hö­kümət təşkilatının nümayəndəsi olduğunu deyir. “Adım Emin Rə­cəblidir. Vətəndaş cəmiyyətinin bir üzvü kimi, ermənilərin ekoloji terroruna qarşı etiraz edənlərə dəstək verməyi özümüzə borc bilirik. Allah bütün şəhidlərimizə rəhmət eləsin. Erməni vandalizmi hamıya məlumdur. Azad etdiyimiz ərazilərdə ermənilərin daşı-daş üstündə qoymadığını bütün dünya gördü. İndi də Qarabağda qalmış ermənilər bizim humanizmimizdən sui-istifadə edərək, Rusiya sülh­məramlılarının müvəqqəti nəzarə­tində olan ərazilərimizdəki faydalı qazıntı yataqlarımızda qanunsuz işlər aparırlar”.
Elə bu anda ətrafı “Qol!” sə­daları bürüyür. Argentina oyunda hesabı açır. “Halaldı, Messi!”, – qışqıran aksiyaçılardan biri ləzzət­lə əlini-əlinə sürtür, “Gördün, sənə demişdim ki, Messi qol vuracaq, amma sən “xoruzların” güclü ol­duğunu düşünürdün,” – deyərək yoldaşına acıq verir.
– Xoruzlar nədi? – Aksiyaçılar­dan biri gülümsəyərək soruşdu.
– Fransa millisinin simvoludur, qardaş. Vallah, kinayə etmirəm, – deyə hamını güldürən həmin oğ­lan cavab verir.
Kənara göz gəzdirirəm. Hamı şən, nikbindir. Yorğunluqlarına baxmayaraq, aksiya keçirilən əra­zidəki xüsusi təyinatlıların növbə dəyişikliyi zamanı “Ən böyük, bi­zim əsgər!” deyərək salamlamaq­dan qalmırlar.
– Onlara baxın, sülhməramlılar da, deyəsən, Argentinaya azarkeş­lik edirlər, – deyən E. Rəcəbli əli ilə postda dayanmış rus hərbçilərini göstərir. Sonra gülərək zarafatya­na “Vallah, biz böyük xalqıq. Bu soyuqda, şaxtada şərait yaradırıq ki, rusiyalı hərbçilər də vaxtlarını səmərəli keçirsinlər”, –deyir.
Düz sözə nə deyəsən. “Hə­mişə qonşuya hörmət etmiş xalqın övladları olmuşuq. Bizim sülhmə­ramlılarla da işimiz yoxdu. Sadə­cə, istəyirik ki, Qarabağdakı ermə­nilərin qanunsuz əməllərinə son qoyulsun”, – digər etirazçı Azad Əsədov aksiyaya qoşulmasını bu­nunla əsaslandırıb: “Məlumatları oxuyuram, guya, yolu biz bağla­mışıq, Xankəndidə yaşayan etnik ermənilər də, guya, blokadadırlar. Halbuki yolu biz bağlamamışıq, hamı da görür ki, Rusiya sülhmə­ramlıları bağlayıblar. Amma ermə­nilər bu dəfə də yalandan hay-küy salaraq, stəkanda burulğan effekti yaratmaq istəyirlər”.
– ”Bu qədər adam buraya an­caq bir məqsəd üçün toplaşıb: ekoloji talançılığa son qoyulsun!” –Bu sözləri Azərbaycan Skaut­lar Assosiasiyasının üzvü Aysu Məmmədova deyir: – “30 illik işğal müddətində ermənilər ərazilərimi­zi ekoloji terrora məruz qoyublar. Buraya toplaşmağımızda məqsəd ondan ibarətdir ki, haqq səsimiz eşidilsin. Səsimiz eşidilənədək bu­radayıq”.
Aysunun cəsarətli danışığın­dan qürur duyuram. Aksiyada belə haqlı mübarizədə israrlı olan gənc­lərimizin sayı çox idi.
– Sənə dedim axı, meydan düz, top da yumru,– Cavid Əliyev Fransanın oyunda hesabı bəra­bərləşdirdiyinə eyham vurur, O, Argentinanın iki qol irəlidə olması­na tez sevinənlərin bostanına daş atır. Həqiqətən də Laçın yolundakı tabloda futbol tragikomediyası ya­şanırdı.
“Biz kimsəyə hücum etmirik. Dinc, sakitcə tələblərimizi irəli sü­rürük”. – Ahıllara və Tənhalara Dəstək İctimai Birliyinin sədri Ru­hiyyə Məmmədova dinc aksiyanın məqsədini açıqlayır. – “Biz buraya ona görə toplaşmışıq ki, dünyaya haqq səsimizi çatdıraq. Sülhsevər və terroru hər zaman lənətləmiş bir xalq olduğumuzu nümayiş et­dirmək istəyirik. Gördüyünüz kimi, burada böyük ruh yüksəkliyi var, ermənilərin ekoloji terroruna “yox!” demək üçün toplaşmışıq”.
Bu arada Qətərdə həyəcanlı anlar yaşanırdı. Dünya kubokunun sahibini oyunsonrası penaltilər müəyyənləşdirəcək.
“Hazırda dünyanı futbol idarə edir. Bir görün, necə həyəcanla baxırlar. Hamı bu oyunun təsiri altındadır”. Milli Dəyərlər üzrə Ma­arifləndirmə İctimai Birliyinin sədri Gülşən Behbud gileylənir.
– “Siz nə vaxtdan burdasınız?” –deyə soruşuram.
– Dekabrın 12-dən. Bilirsiniz ki, 30 illik işğal müddətində Azər­baycan torpaqları ekosidə məruz qalıb. Hazırda Rusiya sülhməram­lılarının müvəqqəti nəzarəti altında olan ərazilərimizdə Xankəndidəki separatçı rejim təbii sərvətlərimizi istismar edir, ətraf mühitə ekoloji ziyan vurur. Ona görə də, biz mo­nitorinq keçirmək istədik. Ancaq Rusiya sülhməramlıları buna icazə vermədilər”.
Gülşən xanım əlavə edir ki, dinc aksiya keçirirlər, “silahları” da plankartlar və şüarlardır. Həm­söhbətim onu da bildirir ki, er­mənilər aksiyamıza mənfi çalar qatmağa çalışırlar. Onlar yalanla­rından, biz də insanlığımızdan geri qalmırıq.
Doğrudan da, səhər saat 06:25-də rus sülhməramlılarından birinin ailə üzvlərinin avtomobillə Xankəndidən Laçın istiqamətinə hərəkət etməsinin şahidi oluruq. Bu, bir daha göstərdi ki, Şuşa- Xankəndi yolu humanitar məqsəd­lər üçün açıqdır. Aksiya iştirakçıları əvvəl də bəyan etmişdilər ki, bütün mülki ermənilərin, o cümlədən, dinc ermənilərin – qocaların, qa­dınların və uşaqların keçidi üçün bərabər şərait yarada bilərlər. Təəssüflər olsun ki, fırıldaqçı er­məni biznesmen, indisə qondarma “dövlət naziri” Ruben Vardanyan ermənilərin yoldan istifadəsinə mane olur və bilərəkdən saxta mə­lumatlar yayır ki, guya Azərbaycan tərəfi dinc əhali üçün humanitar böhran yaradır.
Saata baxıram. Əqrəblərin tıqqıltısı ilə futbol şərhçilərinin səs­ləri ətrafdakı sükutu pozur. Elə bu anda ucadan qışqırıq səsləri ətrafı bürüyür: “Argentina!” Dünya ku­boku yenidən Tanqonun vətəninə döndü. Qələbənin sevincini yaşa­yan etirazçılar da gecəni tonqal başında, milli musiqi ifa edərək keçirirlər.

***

Şuşanın səhəri də gözəldi. Günəş çıxar-çıxmaz dünənki şax­talı havanı unutdurur. Təbiət də öz iltifatını əsirgəmir. Səhər saat 08:00-da Dövlət Himnini oxuduq­dan sonra etirazçılar tələblərini ye­nidən səsləndirməyə başlayırlar. Rusiya sülhməramlıları ilə üz-üzə dayanan aksiya iştirakçıları rusca plankartlar da açırlar.
Bir qədər sonra aksiyaya mina terrorunun qurbanları və ailə üzv­ləri qatılırlar. Ermənistanın mina terroru nəticəsində zərər çəkən İn­tiqam Sarıyev mətbuat nümayən­dələrinə bildirir ki, burada olmaqla­rının səbəbi ərazilərimizdə ekoloji terrora etirazdır. O, həmçinin dedi ki, Ermənistanı mina terroruna son qoymağa çağırırlar.
Ermənistanın mina terroru nə­ticəsində zərər çəkən digər vətən­daşımız Vidadi Məmmədzadə də aksiyada iştirak edir. Əlində plan­kart tutan V.Məmmədzadə bildirir ki, aksiyada iştirak etmələrinin məqsədi xalqımıza mənəvi dəstək olmaqdır: “Bu gün biz, bu aksiyada mina qurbanları kimi iştirak edirik”.
Beynəlxalq Avrasiya Mətbuat Fondunun əməkdaşı, mina terro­rundan zərər çəkmiş Zabil Məm­mədov jurnalistlərə müsahibəsin­də vurğulayır ki, aksiyada iştirak etmələrinin əsas məqsədi Rusiya sülhməramlılarının müvəqqə­ti nəzarətində olan Azərbaycan ərazisində ermənilər tərəfindən sərvətlərimizin talanmasına və ekoloji terrora son qoyulmasını tələb edək. Ermənilərin ekoloji və mina terrorunu dayandırmalarını tələb edən Z.Məmmədov Azər­baycan vətəndaşlarının ermənilə­rin basdırdığı minalara düşərək sağlamlıqlarını itirdiyini, yaxud həlak olduqlarını diqqətə çatdırır. O, ermənilərin mina terroruna son qoyulmasına kömək göstərilməsi­nin vacibliyini vurğulayır.
Mətbuatla ünsiyyətdən sonra erməni mina terrorunun qurban­ları əllərində plankartla rus sülh­məramlılarının dayandıqları posta yaxınlaşırlar. Bilmirəm, sülhmə­ramlılar nə dərəcədə ingilis dilini anlayırdılar, amma mesaj güclü idi: mina terroruna ekosid əlavə edən ermənilərin qanunsuz əməl­lərinə son qoyulmalıdır!
Artıq günortadır, etirazçılar tələblərini səsləndirməkdə davam edirlər. Ünsiyyət saxladığım aksi­ya iştirakçılarının hamısı haqlı mü­barizələrindən dönməyəcəklərini bildirir. Qalib xalqın övladlarına da məhz belə əzmkarlıq yaraşır.


ÖNDERTV.ORG