ONDERTV.ORG

Yarandığı 24 il müddətində bir çox fərqli layihələrə imza atan, bir-birindən maraqlıtədbirlər həyata keçirən jurnalist Aygün Hacıyevanın təsisçisi və rəhbəri olduğu “VİP” Mərkəzinin xətti ilə, bu günlərdə daha bir tədbir baş tutdu.  
Ulu Öndərin 101-ci ildönümü çərçivəsində, 24.10.1882-ci il tarixdə dünyaya gələn və 142 yaşı qeyd olunan tanınmış Azərbaycan şairi, yazıçı və dramaturq, milli ədəbiyyatımızda romantik şeirin və mənzum faciənin banisi Hüseyn Cavidə həsr olunan "Repressiya qurbanlarına Heydər Əliyev qayğısı; Hüseyn Cavidi anırıq" adlı tədbir 25.10.2024-cü il tarixdə Sumqayıt Şəhər Heydər Əliyev Mərkəzində uğurla həyata keçdi. Tədbirin əsas qəhrəmanı isə, Heydər Əliyevin tapşırığı ilə, uzaq Sibirin İrkutsk vilayətinin Tayşet rayonunun Şevçenko kəndinin məzarlığında uyuyan şairin nəşinin doğma Vətənə gətirilməsi üçün yaradılan komissiyaya sədrlik edən, Azərbaycan KP Naxçıvan Vilayət Partiya Komitəsinin büro və plenum üzvü, İdeoloji iş üzrə Vilayət Partiya Komitəsinin katibi olmuş polkovnik Həmid Cəfərov idi.Tədbirdən əvvəl Ulu Öndərin əziz xatirəsi yad edildi, abidəsi önünə gül-çiçəklər qoyuldu. Daha sonra tədbir iştirakçıları foto-sərgi ilə; burada H.Cəfərovun dahi şəxsiyyətlərə həsr etdiyi, özünün şəxsən yaratdığı foto-albomlarla, arxiv sənədləri ilə tanış oldular.Azərbaycanın Himni səsləndikdən sonra, Aygün Hacıyevanın aparacılığı ilə, Azad və Bütöv Azərbaycan naminə canlarını qurban vermiş Şəhidlərimizin əziz xatirəsi bir dəqiqəlik sükutla yad edildi.
Həmid müəllimi yaxından tanıyan, dostları olan qonaqlar onun haqqında ürək sözərini söylədikdən sonra, Ulu Öndərə və Hüseyn Cavidə həsr olunan film nümayiş olundu.Daha sonra söz H.Əliyevin tapşırığını şərəf və böyük məsuliyyət hissi ilə həyata keçirən Həmid Cəfərova verildi. Xatirələr yada düşdü, ötən günlərin ağrı-acılı anları vərəqləndi...
Həmid müəllimə ünvanlanan suallar bir-birindən maraqlı oldu. Diskussiya şəraitində davam edən tədbirdə hər bir iştirakçı fikrini söyləmək imkanı əldə etdi. Şəhid ailələrinin aktiv iştirakı tədbiri daha da gözəlləşdirdi, mənalandırdı.Həvəskar şair və müsiqiçi, bədii qiraətçi, AzTv-nin keçmiş əməkdaşı, Vətən müharibəsi veteranı, hərbi mürəxəssis Cəbrayıl Qənbər və Sumqayıt şəhər 24 saylı məktəbin 4-cü sinif şagirdi Leyla Məmmədova tərəfindən səslənən ünvanlı şeirlər tədbirə xüsusi rəng qatdı. 
Sonda A.Hacıyeva dəvətini qəbul edib tədbirə gələn bütün dəyərli İnsanlara; başda Şəhid ailələri olmaqla, müəssisə və təşkilat rəhbərlərinə, iş adamlarına, QHT rəhbərlərinə, qələm əhlinə, dostlara, həmkarı olan media nümayəndələrinə... - bütün Cavidsevərlərə, həmçinin üzürlü səbəbdən tədbirdə iştirak edə bilməyəcəyini söyləyib üzrxahlıq edənlərə, tədbirdə iştirak edə bilməyib nümayəndəsini göndərənlərə öz təşəkkürünü bildirdi. Qeyd etdi ki, belə görüşlər mütamadi keçirilməli, Həmid Cəfərov kimi “CanlıTarix” olan şəxsiyyətlər yada salınmalı, gərəkli informasiyalardan hər kəs məlumatlanmalı, bəhrələnməlidir.A.Hacıyeva,  belə bir tədbirin həyata keçməsinə razılıq verən Mədəniyyət naziri Adil Kərimliyə, həmçinin Abşeron-Xızı Regional Mədəniyyət İdarəsinin rəisi Ramil bəyə, hər zaman dəstəyini əsirgəməyən rəis müavini Həsrət Sabirliyə, Heydər Əliyev Mərkəzinin direktoru Vüsalə Qurbanovaya minnətdarlığını bildirdi. 
Həmçinin o, Mərkəzin əməkdaşı, səs rejissoru Vüqar bəyə, həmkarı foto-müxbir, peşəkar operator Əli Əliyevə və zəhməti keçən hər kəsə təşəkkür etdi. 
Tədbirin sonunda xatirə şəkilləri çəkilərək tarixin yaddaşna həkk olundu.
Öndertv.az