Şuşa və Füzuli məktəblərinə müəllimlər işə qəbul olunur

ÖNDERTV.ORG

İşğaldan azad edilmiş ərazilərə Böyük Qayıdışa dair I Dövlət Proqramı çərçivəsində təhsil müəssisələrinin bərpası nəticəsində Şuşa şəhər 1 nömrəli və Füzuli şəhər 1 nömrəli tam orta məktəblərinə işə qəbul aparılır.
Bu barədə Elm və Təhsil Nazirliyindən xəbər verilib.
Bildirilib ki, sözügedən məktəblərdəki mövcud olan vakant yerlər müəllimlərin işə qəbulu üzrə müsabiqənin müddətli müqavilə ilə vakansiya seçimi mərhələsinə təqdim edilib.