Azərbaycan dünyada tam müstəqil siyasət yürüdən ölkə kimi qəbul edilir.

Gündəm

8-09-2022, 16:01

315

Azərbaycan dünyada tam müstəqil siyasət yürüdən ölkə kimi qəbul edilir.

Azərbaycan Respublikasının Prezidenti İlham Əliyev İtaliyada keçirilən 48-ci beynəlxalq Çernobbio Forumunda “Enerji təhlükəsizliyinin təmin olunmasında Azərbaycanın rolu” mövzusunda çıxışı zamanı bildirmişdir ki, "Azərbaycan artıq sabit siyasi mövqeyə malikdir, həmçinin iqtisadiyyatımız da sabitdir. Biz müstəqil olmaq üçün iqtisadi anlamda yatırımlar etmişik. Yoxsa biz özümüzü asılı hiss edərdik. Azərbaycan imperiyaların hissəsi olub, biz Sovet İttifaqının bir parçası olmuşuq. Artıq 30 ildir ki, bizim insanlarımız müstəqildir və biz əbədi olaraq müstəqil yaşamaq istəyirik. Bunun üçün biz güclü olmalıyıq. Bizim yaxşı dostlarımız olmalıdır". Azərbaycan Respublikasının Prezidenti İlham Əliyev çıxışında ölkəmizin daxili və xarici siyasətilə bağlı mühüm, əhəmiyyətli məsələlərə toxunaraq xüsusi vurğuladı ki,müstəqillik illərindən sonra yürüdülən uğurlu iqtisadi siyasət nəticəsində qarşımıza qoyduğumuz əsas məqsədlərə nail ola bilmişik. Azərbaycan Respublikasının Avropa və dünya dövlətləri ilə qarşılıqlı faydalı və səmərəli əməkdaşlığına əlverişli zəmin yaranmışdır. Bu konteksdə İtaliya dövləti ilə əməkdaşlıq xüsusi əhəmiyyət kəsb edir. Qeyd etmək lazımdır ki,ötən 19 ildə Azərbaycan Prezidenti cənab İlham Əliyevin gördüyü işlər ona təkcə ölkə daxilində deyil, beynəlxalq aləmdə də böyük şöhrət qazandırdı. Müstəqilliyinin bərpasının 30-cu ildönümündə heç vaxt indiki kimi güclü, qüdrətli olmayan Azərbaycan dünya düzənində özünəməxsus yer tutan ölkəyə çevrilib. Bunun səbəbləri bəllidir - iqtisadi yüksəliş, müstəqil siyasət. Bu da reallıqdır ki, məhz belə bir vəziyyətdə olan ölkə haqq səsini dünyaya yaymaq istəyərkən əvəzində ikili standartlar prinsipinə məruz qalırdı. Hər tərəfdən Azərbaycana təzyiqlər göstərilir, uydurma hesabatlarla ləkə yaxmağa çalışırdılar. Lakin müstəqil bir dövlət kimi Azərbaycanı xarici amillərdən qorumağı əsas prisip kimi qəbul edən Prezident İlham Əliyev bütün bu hücumların qarşısını qətiyyətlə almaqla, ən mötəbər beynəlxalq tribunalardan, kürsülərdən Azərbaycanın haqlı mövqeyini dünyaya çatdıraraq, prinsipial siyasətilə bütün bunlara qalib gəldi.Azərbaycan Respublikası artıq otuz ildir müstəqil dövlətdir. Cənab prezidentin Azərbaycanın müstəqillik istiqamətində apardığı uğurlu siyasət ölkəmizin dünya dövlətləri arasında siyasi nüfuzunu artırmışdır. Artıq Azərbaycan dünyada tam müstəqil siyasət yürüdən ölkə kimi qəbul edilir. Bu gün müstəqil Azərbaycan dövlətinin öz siyasi dəst-xətti, dövlətçilik siması, inkişaf yolu var. Hər kəs gözəl anlayır ki, cənab Prezidentimizin apardığı uğurlu siyasət nəticəsində dövlət müstəqilliyimiz əbədidir və əbədi olacaq.

Fidan Hüseynova
YAP Quba rayon təşkilatının sədri.

ÖNDERTV.ORG

Oxşar xəbərlər