QHT Agentliyində Azərbaycanlıların Soyqırımı Günü ilə bağlı tədbir keçirildi. 31 mart 2023 il

ÖNDERTV.ORG
 
Qeyri-Hökumət Təşkilatlarına (QHT) Dövlət Dəstəyi Agentliyində 31 mart Azərbaycanlıların Soyqırımı Günü ilə bağlı tədbir keçirildi. Agentliyin Müşahidə Şurasının üzvü Zaur İbrahimov tərəfindən açıq elan edilib. Zaur İbrahimov 1918-ci ilin 30 mart və 3 aprel tarixləri arasında Bakı şəhərində və Azərbaycanın müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərində erməni silahlı qüvvələri tərəfindən törədilmiş soyqırımı hadisəsi ilə bağlı məlumat veribZ.İbrahimov bildirib ki, Ulu Öndər Heydər Əliyev Azərbaycan Respublikasının Prezidenti kimi 26 mart 1998-ci il tarixdə 31 mart Azərbaycanlıların Soyqırımı Günü kimi qeyd olunması barədə Sərəncam imzalamışdır. Hər il dünyanın müxtəlif ölkələrində soyqırım hadisəsinin ildönümü günü ərəfəsində müxtəlif tədbirlərin təşkil olunduğunu qeyd edən Z.İbrahimov ermənilərin 30 mart-3 aprel 1918-ci il tarixlərində onminlərlə azərbaycanlını milli mənsubiyyətinə görə qətlə yetirdiyini bildirdi.Tədbirdə iştirak edən qeyri-hökumət təşkilatlarının nümayəndələri Nəsiman Yaqublu,, Tofiq Əlizadə, Səriyyə Cəfərova,  ermənilərin törətdiyi soyqırım hadisəsi haqda məlumat verdilər. QHT nümayəndələri Azərbaycanda fəaliyyət göstərən qeyri-hökumət təşkilatları adından beynəlxalq təşkilatlara bəyanat ünvanlanmasının əhəmiyyətini qeyd etdilər.

ÖNDERTV.ORG