Növbəti köç karvanı Füzuli şəhərinə çatıb - YENİLƏNİB + FOTO
Gündəm / Siyasət / Cəmiyyət
15-03-2024, 12:40
42

Növbəti köç karvanı Füzuli şəhərinə çatıb - YENİLƏNİB + FOTO

ÖNDERTV.ORG

Bu gün səhər saatlarında Bakı şəhərinin Qaradağ rayonundan, Sumqayıt şəhərindən, eləcə də Abşeron, Beyləqan, İmişli və Füzuli rayonlarından yola salınan növbəti köç karvanı Füzuli şəhərinə çatıb.

ÖNDERTV.ORG -ın bölgə müxbiri xəbər verir ki, Qarabağın dilbər güşələrindən olan Füzuli şəhəri doğma sakinlərini qarşılamağa davam edir. Bu gün 35 ailə olmaqla, 153 nəfər Füzuli şəhər sakini öz yurduna qovuşub.
Füzuli şəhərinə çatan ailələr böyük coşqu ilə qarşılanıblar. Onlar doğma yurda qovuşmağın sevincini yaşayıblar.
Bununla da Füzuli şəhərində 562 ailənin, yəni 2122 nəfərin məskunlaşması təmin edilib.
07:20
Keçmiş məcburi köçkünlərin daha bir qrupu işğaldan azad olunmuş Füzuli şəhərinə yola düşüb.

ÖNDERTV.ORG xəbər verir ki, bu mərhələdə Füzuli şəhərinə cəmi 35 ailə (153 nəfər) köçürülür.
Köçürülən 35 ailədən 22-si (90 nəfər) Bakı şəhərindən, 5-i (20) Sumqayıt şəhərindən, 4-ü (24) Füzuli rayonundan, 2-si (12) Beyləqan rayonundandır. İmişli (3 nəfər) və Abşeron (4 nəfər) rayonlarının hər birindən isə bir ailə köçürülüb.
Bakı və Sumqayıt şəhərlərindən, Abşeron rayonundan köçürülən 28 ailə (114 nəfər) Qaradağ rayonu “Qobu Park-3” köçkün şəhərciyində məktəbin qarşısından Qaçqınların və Məcburi Köçkünlərin İşləri üzrə Dövlət Komitəsinin və Füzuli Rayon İcra Hakimiyyətinin nümayəndələri tərəfindən yola salınıb.
Beyləqan, İmişli və Füzuli rayonunda məskunlaşmış 7 ailə (39 nəfər) məskunlaşdıqları ərazidən yola salınacaq və Füzuli rayonunun Əhmədbəyli kəndində köç karvanına qoşularaq bir yerdə hərəkət edəcəklər.
Köçürülənlərin nəqliyyat vasitələri karvanları Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin əməkdaşları tərəfindən qarşılanacaq və onların yaşayış sahələrində yerləşdirilməsi ilə bağlı zəruri tədbirlər görüləcək.
Beləliklə, bugünkü köç də nəzərə alınmaqla Füzuli şəhərinə cəmi 562 ailə (2 120 nəfər) köçürülüb.


Oxşar xəbərlər

72 nəfər də Füzuliyə yola salınır
09:34

72 nəfər də Füzuliyə yola salınır
Füzuli şəhərinə növbəti köç karvanı yola düşüb
08:31

Füzuli şəhərinə növbəti köç karvanı yola düşüb
Böyük Qayıdış: Füzuli şəhərində 1519 nəfərin daimi məskunlaşması təmin edilib
07:19

Böyük Qayıdış: Füzuli şəhərində 1519 nəfərin daimi məskunlaşması təmin edilib
Daha 73 sakin Füzuliyə köçdü
09:24

Daha 73 sakin Füzuliyə köçdü
Füzuliyə qayıdış başlayır - 509 nəfər köçürüləcək
16:31

Füzuliyə qayıdış başlayır - 509 nəfər köçürüləcək

Son Xəbərlər

Hamısı

Top 5

  • Bu Gün
  • Bu Həftə
  • Bu Ay