Avropa Liqası: “Qarabağ” bu gün cavab oyununa çıxacaq - AFİŞA

Gündəm / Siyasət

22-02-2024, 10:17

Avropa Liqası: “Qarabağ” bu gün cavab oyununa çıxacaq - AFİŞA

ÖNDERTV.ORG

“Qarabağ” bu gün UEFA Avropa Liqasının pley-off mərhələsində cavab oyununa çıxacaq.

ÖNDERTV.ORGməlumatına görə, Azərbaycan çempionu Portuqaliyanın “Braqa” klubu ilə qarşılaşacaq.

İlk görüşdə rəqibini səfərdə 4:2 hesabı ilə məğlub edən Ağdam təmsilçisi bu dəfə doğma azarkeşləri önündə - Tofiq Bəhramov adına Respublika stadionunda meydana çıxacaq. Qurban Qurbanovun kollektivi üstünlüyünü qoruyaraq, 1/8 finala adlamaq və yeni tarix yazmaq arzusundadır.
Saat 21:45-də başlayacaq matçı Bolqarıstandan olan hakimlər briqadası idarə edəcək.
UEFA Avropa Liqası
Pley-off mərhələsi, cavab oyunu
22 fevral
21:45. “Qarabağ” (Azərbaycan) – “Braqa” (Portuqaliya)
Baş hakim: Georgi Kabakov (Bolqarıstan).
Bakı, Tofiq Bəhramov adına Respublika stadionu.
İlk oyun - 4:2.

Oxşar xəbərlər